Halollik qoidalari
CodeArena'dagi har bir ball va har bir o‘rin — egasining o‘z mehnati. Shu qoidalar buni kafolatlaydi.
Mumkin
- Dars materiallari, kitob, dasturlash tilining hujjatlari (docs).
- Sintaksisni qidirish: «Pythonda ro‘yxat qanday saralanadi?»
- Masaladagi maslahatlar (hint) — ular ballning bir qismini oladi.
- O‘qituvchidan yoki do‘stdan g‘oyani so‘rash (kodni emas).
- AI'dan mavzuni tushuntirib berishni so‘rash — masalaning o‘zini emas.
- O‘rta va qiyin masalalarda kodni o‘z muharriringizda yozib, keyin qo‘yish.
Mumkin emas
- Masala shartini AI'ga (ChatGPT, Gemini, Copilot va boshqalar) berib, kod yozdirish.
- Boshqa odamning yoki internetdagi tayyor yechimni ko‘chirish, «biroz o‘zgartirib» bo‘lsa ham.
- O‘z yechimingizni boshqalarga berish.
- Birovning akkauntidan yoki birov bilan bitta akkauntdan ishlash.
- Musobaqada: har qanday tashqi yordam — AI, boshqa oyna, telefon, maslahatchi.
Nima kuzatiladi
Mashq va musobaqada muharrir kod qanday yozilganini qayd etadi: uzun kod qo‘yish, boshqa oynaga o‘tish, kodning har 10 soniyadagi holati. Server qabul qilingan kodni shu yozuvlar bilan solishtiradi, talabalar yechimlarini bir-biri bilan ham solishtiradi. Bularni o‘qituvchingiz va hakamlar ko‘radi, boshqa hech kim emas.
Oqibati
- Mashqda — ko‘chirilgan deb topilgan yechim uchun amaliyot bali berilmaydi.
- Musobaqada — diskvalifikatsiya: natija oxirgi o‘ringa tushadi, reyting pasayadi.
Adolat
Tizim hech kimni o‘zi jazolamaydi: belgilar faqat shubha. Qarorni o‘qituvchi yoki hakam kodni ko‘rib chiqib qabul qiladi, e’tirozingiz bo‘lsa, unga murojaat qiling. Qaror bekor qilinishi mumkin.